Claude Rouget

claude.rouget.org

eo Bonvenon al mia retejo ! eo

 
 Vi estas ĉi tie: Claude Rouget > Esperantaj paĝoj > Retaj fotoj pri Tromsø


Retaj fotoj pri Tromsø

Ĉu vi deziras vidi kiel aspektas Tromsø ĝuste nun?

Jen ligiloj al kelkaj retfotiloj de Tromsø kiuj prezentas fotojn ĝisdatigatajn proksimume ĉiun kvaronhoron. Se vi volas spekti tutan tagnokton en Tromsø dum kelkaj sekundoj, legu la priskribon de vidbenda servo de la universitato de Tromsø. Kaj se vi preferas malnovajn fotojn de Tromsø, tiam la fotaro de la universitata muzeo kontentigos vin!

La numeroj inter krampoj montras kie la fotiloj staras en Tromsø.

Superrigardo al Tromsø

La lifto de Tromsø portas turistojn 420 metrojn super la marnivelo. De la supra stacio, belegas la elrigardo al Tromsø (1) kaj ĝia apudeco. Pere de via komputilo, vi povas direkti la fotilon kaj foti.

Mapo de Tromsø

Urbocentro

La retfotiloj de Tromsø ĉefe situas en la urbocentro (2). Eblas vidi jenajn lokojn:

Sudo de la urbo

Tri retfotiloj estas instalitaj surtegmente de oficialaj konstruaĵoj en la sudo de la insulo de Tromsø. Ili montras:

  • Sudo de la urbo, el la regiona administrejo
    (retfotilo de la Regiona Administrejo; 4a)
  • La markolo de Tromsdalen kaj Storsteinnes, kun la supra stacio de la lifto
    (retfotilo de la Inĝeniera Altlernejo; 4a)
  • Sudo de la insulo de Tromsø
    (retfotilo de Norvega Radio NRK; 4b)

Kvazaŭvidbendoj pri vetero en Tromsø

Ankaŭ la universitato de Tromsø posedas retfotilon (3) kiu montras la markolon de Tromsdalen el la nordo de la insulo.

Sed ilia kolekto pri kvazaŭvidbendaĵoj eble estas ankoraŭ pli interesa. El la retejo eblas elŝuti kvazaŭvidbendaĵon pri iu ajn dato post 2002-05-31. Por ĉiu dato elekteblas tri grandoj de dosiero. Malkovru sennoktan tagnokton junian aŭ decembran tagmezon sen suna lumo! Sufiĉe surprize, ĉu ne?

Retfotiloj de ŝipo «Hurtigruten»

Aldone al la retfotiloj listigitaj supre, endas mencii pliajn ok retfotilojn instalitajn sur ŝipo. Sekvu itineron de ŝipoj laŭlonge de norvega marbordo inter Bergen kaj Kirkenes. Serĉu rubrikon Webcams aboard en la retejo de Hurtigruten.

Fotaro de la universitata muzeo

La universitata muzeo de Tromsø ne havas (ankoraŭ?) retfotilon. Sed ĝi posedas aron da 50 000 fotoj, ĉiuj atingeblaj per la reto, dank'al serĉilo efika kaj facile uzebla. La retpaĝoj havas tekston nur en la norvega, sed eblas kompreni sistemon sen koni la lokan lingvon. Kiam vi esto decidinta viajn serĉkriteriojn, alklaku butonon Søk nå.

La retejo de la lifto ankaŭ proponas fotaron pri Tromsø dum la tuta jaro. Trafoliuminda!

Vi trovos ankaŭ dudekon da belaj fotoj de la urbo en la retejo de la komunumo de Tromsø.

 Norske sider
 Pages françaises

Aliaj paĝoj en Esperanto

  PS en Tromsø

  Birdaj kantoj

  Popolkara reĝo

  Nacia festo (Monato)

  Familia Esperanto 46

  Familia Esperanto 47

  Familia Esperanto 48

Ĝisdatigita la 3-an de novembro 2007